Следната година Apple конечно ќе го претстави освежениот iPhone SE, за кој многу слушавме во изминатите месеци.
Новите гласини од Јужна Кореја тврдат дека новиот iPhone SE ќе има почетна цена од 499 долари, што е 300 долари помалку од цената на стандардниот модел iPhone 16.
Доколку информациите се покажат како точни, моделот SE ќе биде многу конкурентен и примамлив телефон за оние кои бараат подостапен iPhone.
Претходниот iPhone SE, кој беше лансиран во 2022 година, имаше почетна цена од 429 долари. Новиот модел би чинел 70 долари повеќе, но се очекува да спроведе голем број надградби и нови функции.
Така, се верува дека новиот iPhone SE ќе има чипсет A18, 8GB RAM за поддршка на функциите на Apple Intelligence, 6,06-инчен OLED екран, главна камера од 48MP и селфи сензор од 12MP.
Кога станува збор за дизајнот, се очекува да личи на iPhone 14, вклучувајќи и исечок за предната камера и Face ID сензори.
Гласините посочуваат дека iPhone SE 2025 треба да ги позајми чипсетот, количината на меморија и главната камера од моделот iPhone 16 и дека корисниците што ќе ги привлече нема да обрнуваат премногу внимание на широката рамка околу екранот и недостатокот на ултраширока камера.
iPhone SE 4
— Apple Hub (@theapplehub) August 13, 2024
- 6.1" OLED display
- Face ID
- A18 chip
- 8GB RAM
- Apple Intelligence
- Single 48MP camera
- USB-C
- Early 2025 launch
- ~$500 starting price
Would you buy one? pic.twitter.com/22JGTdd41X