Тимот на Apple за проверка на апликациите на App Store беше двапати измамен од истиот девелопер.
Неодамна тема беше апликацијата во App Store наречена Collect Cards: Store box што се користеше за управување и складирање фотографии и видеа, а кога беше инсталирана на iPhone на одредени пазари како САД, се прикажуваше корисничкиот интерфејс за складирање фотографии и клипови. Меѓутоа, на други пазари, како Бразил, апликацијата всушност беше пиратски сервис за стриминг, прикажувајќи видео содржини од услуги како што се Disney+, Netflix, Amazon Prime Video, Apple+ и HBO Max.
Девелоперот на мудар начин „зелено светло“ од тимот на Apple со седиште во САД за апликацијата да се најде на американската продавница за апликации и на другите пазари. Кога беше тестирана во САД, навистина ја имаше опишаната функција, а тоа е складирање на фотографии и видеа. Сепак, вистинската цел на апликацијата се откри на други пазари.
Apple ја отстрани апликацијата од Apple Store минатиот месец, но компанијата очигледно заборава, па програмерите на апликацијата Collect Cards: Store box повторно ги измамија и успеаја да внетнат уште две апликации на App Store. Станува збор се апликациите Collect Cards: Birthday Check и Collect Cards: Sugar.
Со други зборови, тимот на Apple задолжен за одобрување на апликациите во App Store го видел само интерфејсот на двете сосема обични апликации, меѓутоа, кога пристигнале на одреден пазар, со промена на името, двете апликации се претвориле во апликации за пиратски пренос и прикажување видеа од други услуги за стриминг. И двете потоа беа отстранети од App Store. Програмерите, наводно, користеле geofence, што ги спречува американските корисници на iPhone да ја видат вистинската цел на апликациите.
На оние што сè уште ги имаат инсталирано спорните апликации им се препорачува да ги отстранат.
