САД се движат кон „новото нормално“, а Apple е една од компаниите што ги отвораат вратите за клиенти.
По прогласувањето на пандемијата со коронавирусот, раководството на Apple нареди затворање на своите продажни објекти ширум светот, а сега компанијата планира повторно да отвори речиси 100 продавници во САД.
Според објавата на Reuters, согласно развојот на епидемилошката ситуација низ САД, Apple постепено ќе ги отвора своите продавници таму, почнувајќи од Алјаска, Ајдахо и Алабама.
Според новите протоколи за безбедност и заштита на здравјето, пред влегување во продавница на Apple и на вработените и на муштериите ќе им се мери температура, а задолжително ќе биде одржување на физичка дистанца и носење заштитни маски кои ќе ги обезбеди компанијата во случај муштеријата да нема.
