Како што беше најавено, Apple официјално претстави нова боја за својот iPhone.
Годинава станува збор за нова боја, жолта, откако минатата година беше претставена зелената, а претходната година виолетовата.
Се работи за светложолта нијанса на задниот стаклен панел, што е нешто помеѓу жолтиот iPhone 11 и темножолтиот iPhone XR. Алуминиумската рамка е во златна боја, како во случајот со iPhone 11.
Сепак, за разлика од минатата година, новата боја нема да биде достапна за моделите Pro, наместо тоа ќе им се придружи на петте постоечки бои за стандардните iPhone 14 и iPhone 14 Plus. Палетата моментално вклучува midnight црна, starlight бела, (PRODUCT)RED црвена, сина и виолетова.
Бојата е единственото нешто што ја разликува новата верзија од постојните бидејќи нема технички разлики.
Apple исто така претстави четири нови бои за својата палета на силиконски маски за сите четири модели на iPhone 14, имено Canary Yellow, Olive Green, Sky Blue и Iris Purple.
Преднарачките за жолтите iPhone 14 и iPhone 14 Plus ќе се примаат од 10 март, додека маските веќе се достапни.