Корисниците на iPhone добија ново копче на нивните паметни телефони, а можеби сè уште не го забележаа тоа.
Оваа опција доаѓа од новиот iOS 14, најновата верзија на оперативниот систем за iPhone, пишува The Verge.
Новата опција се нарекува „Back Tap“, а станува збор за тајно копче што ја замаглува линијата меѓу хардверот и софтверот на уредот, велат од The Verge.
„Black Tap“ ја претвора целата задна страна на iPhone во големо копче кое е чувствително на допир, а кое може да го користите за да стартувате определени функции на смартфонот.
Постои голема можност дека многумина корисници на iPhone сè уште не го откриле ова копче кое се наоѓа во менито Accessibility.
Намената на опцијата „Back Tap“ е на корисниците да им пружи повеќе можности за интеракција со нивните смартфони. Опциите што ги нуди копчето „Back Tap“ токму тоа и го овозможуваат: префрлање на апликации, веб-страници, известувања, снимање на екранот.
Корисниците може да го користат копчето „Back Tap“ за сè што ќе помислат бидејќи е поврзано со апликацијата Shortcuts.