По исцрпувачки судски процес, проследен со шокантни сведочења, поротата во судот во Њујорк го прогласи раперот Ар Кели виновен за рекет и трговија со луѓе.
Поротата го прогласи за виновен по повеќе обвиненија за рекет и сексуална трговија по шестнеделното судење во Њујорк, на кое обвинителството го претстави како немилосрден предатор кој злоставувал млади девојки.
Овој 54-годишен пејач беше обвинет за врбување млади девојки кои потоа ментално и сексуално ги малтретирал. Ар Кели повеќе од деценија се соочуваше со вакви обвиненија, но не беа покренати тужби до оној момент кога жртвите проговорија на телевизиско интервју.
Наскоро ќе биде позната и точната затворска казна која ќе мора да ја отслужи. Поротата, составена од седум мажи и пет жени, носењето на одлуката ја почна во петокот попладне, по завршните зборови на крајот на судењето.
Кели би можел да се соочи со децении затвор, пресудата ќе биде позната на 4 мај.
