Премиерката на Нов Зеланд, Џасинда Ардерн, изјави дека е ужасната од смртта на Џорџ Флојд и ги поддржува мирните протести во нејзината земја што се одржуваат во знак на солидарност, но истакна дека демонстрантите ги прекршиле мерките за физичко растојание и оти не треба да заборават дека пандемијата на COVID-19 е во тек.
Таа посочи дека е згрозена од она што се случи со Афроамериканецот Џорџ Флојд во САД, но дека протестите за солидарност треба да се организираат на таков начин што ќе овозможи безбедност на сите свои учесници.
Ардерн на прес-конференцијата изјави дека Новозеланѓаните како нација треба да укажат на расизам, нетолеранција и омраза, но исто така забележа дека ризикот од пренесување на вирусот корона сè уште постои.
Премиерката рече дека целосно ги разбира чувствата на демонстрантите, но таа истакна дека глобалната епидемија сè уште трае и дека не би сакала влошување на ситуацијата, со која властите се обидуваат да се справат.
