Иако американските власти, неодамна објавија документи што го потврдуваат постоењето на областа 51, тие не откриваат детали за тамошните активности.
За името на оваа област постојат многу теории, а една од популарните вели дека тоа потекнува уште од времето на нуклеарните тестирања во пустината Невада.
На местото кое е оддалечено 100-тина километри од Лас Вегас, се изведени некои од најважните воени експерименти на 20-тиот век.
Сувата клима овозможува одлични услови за летање, шареноликиот терен е одличен за тестирање топови, а неколку исушени езера се соодветна подлога за принудни слетувања.
На почетокот на 40-тите години на минатиот век, јавното земјиште било оградено и почнало да се користи за интензивно тестирање на оружја. По крајот на втората светска војна, американските власти, таму почнале да развиваат и да тестираат нуклеарно оружје.
Полето за тестирање тогаш било поделено на 30 помали области и сите добиле бројки од 1 до 30.
Сепак, некои од нив останале тајни и се наоѓаат надвор од територијалните граници на тој простор.
Во Area 58 научниците актвирале нуклеарна бомба од 12 килотони за да предизвикаат земјотрес.
Со оглед на тоа дека Американците примерно ги запишуваат сите нуклеарни тестирања, забележливо е дека има и такви за кои нема никакви информации.
Еден таков тест е спроведен на 10 мај 1962 година, во рамките на нуклеарните тестови во Невада, о за него не се забележани никакви податоци.
За тоа тестирање нема информации на која длабочина е изведено тестирањето, нема податоци за типот или силата на нуклеарното оружје, а нема ни информации за тоа кој го извел.
Затоа верувањето е дека областа го добила името по истиот принцип како и другите места во околината. Со оглед на тоа дека една година подоцна е изведен тест во областа 52, големи се шансите дека тоа е пристапот што е користен при именувањето на Area 51.