Фудбалерите на Аргентина со високи 4:1 го совладаа Бразил во 14. коло од јужноамериакнските мундијалски квалификации.
Иако светските шампиони настапија без капитенот Лионел Меси, тоа не се одрази на нивниот настап и ја забележаа десеттата победа во квалификациите.
Сѐ беше решено по само 37 минути игра. Аргентина поведе во 4. минута со голот на Хулиан Алварес, а само осум минути подоцна во листата на стрелци се запиша Енцо Фернандес.
Матеус Куња во 26. минута намали на 2:1, што воедно беше и единствениот удар на Бразил кон голот на натпреварот, а во 37. минута Алексис Мак Алистер погоди за 3:1 и практично го реши прашањето за победникот.
Конечниот резултат од 4:1 беше на Џулиано Симеоне во дебито за националниот тим.
Аргентина со оваа победа обезбеди пласман на Светското првенство и навивачите низ Буенос Аирес и другите аргентински градови веќе можат да го испланираат своето патување на во Канада, Мексико и САД.
Заедно со Аргентина и земјите домаќин Канада, Мексико и САД, пласман на Мундијалот обезбедија и Јапонија, Нов Зеланд и Иран.
Ноќеска се одиграа уште четири натпревари од јужноамериакснакта зона, а во три немаше победници
Резултати:
Боливија - Уругвај 0:0
Чиле - Еквадор 0:0
Аргентина - Бразил 4:1
4' Хулиан Алварес, 12' Енцо Фернандес, 37' Алексис Мак Алистер, 71' Џулиано Симеоне - 26' Матеус Куња
Колумбија - Парагвај 2:2
1' Луис Диас, 13' Џон Дуран - 45'+4 Хуниор Алонсо, 62' Хилио Енсисо
Венецуела - Перу 1:0
41' (п) саломон Рондон
Табела:
