Кошарка
ФИБА СВЕТСКО ПРВЕНСТВО КИНА 2019

Аргентина со 39-годишниот Скола ја разби Франција за влез во финале на СП 2019

13. септември 2019 - 16:15 | А.С.

Кошаркарите на Аргентина се пласираа во финалето на Светското првенство во Кина откако денеска во Пекинг ја совладаа селекцијата на Франција со резултат од 80:66.

Аргентинците подобро го отворија мечот и водеа со три поени разлика по првата четвртина. Продолжија со одлична одбрана, на Французите дополнително им ослабна шутот и пред одморот разликата изнесуваше седум поени за Аргентина.

Во продолжението на мечот Французите не можеа да одговорат на одличната одбрана и третата четвртина заврши со разлика од 12 поени. До крајот на мечот, Аргентинците одржуваа значителна предност и апсолутно заслужено се пласираа во финалето на СП 2019.

Најдобар во редовите на Аргентина беше 39-годишниот Луис Скола кој оствари дабл дабл со 28 поени и 13 скокови.

Аргентина во недела ќе игра во финалето против Шпанија која претходно денеска во драматични продолженија ја совлада Австралија.

Поразените Франција и Австралија ќе ги измерат силите за третото место.

Коментирај