Ѝ даде гол на Западна Германија во финалето на Мундијалот во Мексико 1986 каде Аргентинците предводени од Марадона последен пат триумфираа на еден планетарен собир.
Хосе Луис Браун, легендарниот централен бек на Аргентина почина после долго боледување од Алцхајмер на 62-годишна возраст.
Популарниот Тата заедно со Оскар Ружери и имењакот Хосе Луис Кучуфо беше бедемот пред голот на Нери Пумпидо на Мундијалот во 1986 година кога Аргентина со 3:2 ја совлада Западна Германија и по втор и последен пат стана светски шампион.
Токму Тата го отвори резултатот во 23. минута, а потоа Хорхе Валдано и Хорхе Буручага ја запечатија победата на Аргентинците.
Браун на клупски план најмногу играше за Естудијантес каде со над 300 натпревари стана легенда, потоа и за Атлетико Насионал, Бока Жуниорс, Депортиво Еспањол, Брест, Мурсија и Расинг. За Аргентина одигра 36 натпревари и постигна еден гол, токму оној во финалето.
