Голманот на Аргентина Емилиано Мартинес ја доби наградата за најдобар голман на Светското првенство во Катар, а потоа ги шокираше сите со еден безобразен потег кога ја стави наградата пред меѓуножјето.
Мартинес, еден од хероите во триумфот на „Албиселесте“ сега објасни зошто го направил тоа.
Откако му беше доделена Златната ракавица, Мартинес го направи недоличниот гест кој брзо стана вирален.
„Го направив тоа затоа што француските навивачи постојано ме исвиркуваа и ме навредуваа. Не ми се допаѓа кога луѓето се арогантни. Што се однесува до играта, тие имаа три удари кон голот и постигнаа три гола, но потоа сè заврши добро“, рече голманот на Астон Вила.
Тоа не беше сè, бидејќи Мартинес брутално го исмеваше Килјан Мбапе во соблекувалната за време на прославата.
Тоа беше само продолжение на борбата меѓу Мбапе и Мартинес која трае веќе неколку месеци, а нема сомнеж дека поради овие потези тој ја загуби почитта кај многу љубители на фудбалот.
