Поп ѕвездата Аријана Гранде се омажи за својот свршеник Далтон Гомес на „скромна и приватна“ церемонија.
Дваесет и седумгодишната Аријана се одлучила за мал број на гости, па според тоа на венчавката изминатиов викенд присуствувале помалку од 20 луѓе. Таа во декември лани ја објави свршувачката со 25-годишниот Далтон, кој работи како агент за недвижнини.
Венчавката се одржала во нејзиниот дом во Монтесито, Калифорнија, место каде што живеат бројни познати личности, како на пример војводата и војвотката од Сасекс.
Гранде и Гомес се во врска нешто повеќе од една година, а првпат беа видени заедно во јавност лани во мај.
