Израелски археолози за време на ископувања во градот Јавне најдоа недопрено кокошкино јајце старо околу 1.000 години, кое се смета за едно од најстарите во светот, објави Израелскиот орган за антиквитети (IAA).
„Ова е многу ретко откритие во Израел и во светот. Наоѓањето фрагменти од лушпи од јајца е секогаш интересно откритие кога работиме на ископувања, но тоа е релативно вообичаено, но наоѓањето на цело јајце е навистина уникатен феномен“, рече д-р Ли Пери од IAA, пишува Jerusalem Post.
Јајцето е пронајдено во област што датира од византискиот период (од 4 до 7 век н.е.).
„Со оглед на тоа дека напукнало, голем дел од внатрешната содржина истекла, но зачуван е дел од жолчката, што ќе ни овозможи понатаму да истражуваме“, рече Гал.
Таа рече дека заедно со колегите археолози откриле септичка јама од исламскиот период како дел од локалитетот и биле изненадени кога таму забележале необичен предмет.
„Одличното зачувување на јајцето веројатно се должи на условите во кои лежело со векови, заштитено во септичка јама со мек човечки отпад. Тоа всушност го зачувало толку добро“, рече управителот на локалитетот, археологот Ала Нагорски.
„Дури и денес, јајцата ретко траат долго во картонска амбалажа во супермаркетите. Неверојатно е кога ќе се помисли дека ова откритие е старо 1.000 години!“
„Кокошките биле припитомени во областа на Југоисточна Азија релативно неодамна, пред околу 6.000 години, но им требаше долго време да станат дел од исхраната на луѓето. Тие ги користеа за други цели, на пример за борби со петли. Бидејќи важеле за привлечни животни, биле изложувани во древните зоолошки градини и им ги давале како подароци на кралевите“, вели Гал.
Јајцето пронајдено во градот Јавне уште повеќе се распука и се скрши откако беше отстрането од местото каде што беше откриено, но наскоро беше вратено во првобитната состојба во лабораторијата за администрација за антиквитети.
Уникатното јајце беше откриено од археолозите како дел од проектот за изградба на нов градски кварт, а во согласност со израелскиот закон, ископувањата треба да бидат заштитени пред да започнат какви било градежни работи.