Арнолд Шварценегер го смени имиџот за новиот божиќен филм

Арнолд Шварценегер пушти брада за новата улога во божиќниот филм The Man With The Bag кој моментално се снима.

Во овој филм Шварценегер ќе го глуми Дедо Мраз, а во актерската екипа ќе му се придружи и Алан Ричсон. Шварценегер бил забележан на улиците на Менхетен на пат кон филмскиот сет.

Ова ќе биде негов втор божиќен филм во кариерата, а во 1996 година глумеше во филмот Jingle All The Way каде ја играше улогата на продавач на душеци кој во последен момент се обидува да ја најде најпопуларната играчка за својот син, натпреварувајќи се со друг татко во божиќниот шопинг.

За потсетување, минатиот месец беше пријавена бомба во куќата на Арнолд Шварценегер во Лос Анџелес на Денот на благодарноста, поради што неколку полицајци го претресоа неговиот дом. Изворите велат дека полицијата одговорила на повикот дека во поштенското сандаче на актерот во неговиот дом во Лос Анџелес била поставена бомба.

Се вели дека полицајците се упатиле кон домот и го пребарале поштенското сандаче и околината, но не пронашле експлозивна направа.