Раководството на италијанскиот шампион Јувентус е убедено дека ќе успее да го привлече Арон Ремзи во црно-белиот дрес по крајот на сезоната, откако неговиот договор со Арсенал ќе истече.
Играчот од средниот ред на Арсенал и репрезентацијата на Велс е помеѓу главните трансфер-мети на повеќе клубови, меѓу кои и гигантите Баерн Минхен и ПСЖ.
И покрај огромниот интерес за Ремзи, спортскиот директор на Јувентус, Фабио Паратичи, смета дека неговиот клуб е фаворит за потписот на Велшанецот. Јувентус веќе му понуди петгодишен договор на Велшанецот, со кој тој би заработувал по 6,5 милиони фунти по сезона. Често се зборува дека во Серија А играчите доживуваат втора младост, па затоа Јувентус воопшто не се плаши од возраста на Ремзи, кој има 28 години.
Арсенал се откажа од потпишувањето на нов договор со Арон Ремзи и сега играчот е слободен да преговара со било кој клуб од Европа. Пред само еден месец пристигнаа гласини дека Баерн Минхен веќе се договориле со Велшанецот, но потоа германските медиуми го негираа тоа.
Ремзи пристигна во тимот на Арсенал во 2008 година од Кардиф, во трансфер вреден 5 милиони фунти. Во моментов тој е играчот со најголем стаж во дресот на Арсенал и со лондонскиот клуб освои три ФА купови, каде на двапати го постигнуваше победничкиот гол во финалето.
