Дванаесетото коло од овогодинешната Премиер Лига го отворија Арсенал и Тотенхем, а домаќините стигнаа до победа од 2:0.
Арсенал доминираше од почетокот до крајот на натпреварот, а гостите изгледаа немоќно низ текот на целиот натпревар.
„Црвените“ поведоа во 36. минута, откако Озил уфрли во шеснаесетникот од слободен удар, стоперот Мустафи ја смести топката во противничката мрежа. Во 41. минута Лаказет додаде до Алексис Санчез, а овој го совлада Љорис за да го удвои водството на Арсенал.
До крајот на натпреварот резултатот не се смени и Арсенал дојдоа до нови три бода во првенството.