Стратегот на Арсенал со пофалба за навивачите кои докажаа дека фудбал сѐ уште е нивна игра иако парите се длабоко навлезени во најпопуларниот спорт на човештвото.
Микел Артета смета дека навивачите се оние кои ја уништија идејата за Супер лигата со тоа што јасно го кренаа својот глас против ова натпреварување чија единствена чел беше финансиски профит на мала група на сопственици на клубови.
„Верувам дека со ова се одржа една голема лекција и воедно ја покажа важноста на фудбалот во светот“, почна Баскиецот.
„Исто така покажа дека душата на овој спорт е во навивачите - тоа е тоа. За време на пандемијава, цела година се обидуваме да ја одржиме оваа индустрија без навивачи на стадионите. Но, кога тие треба да излезат и да зборуваат, тие го прават тоа навистина гласно и јасно и веројатно ја испратија најсилната порака која некогаш ја видел фудбалскиот свет“.
Артета го води Арсенал од декември 2019 година и веројатно тој ќе го предводеше тимот и во таа контроверзна Супер лига.
„И секој клуб, тргајќи го сопствениот интерес на страна, го направи вистинскиот потег - кој е, тие се оние - навивачите, кои што треба да ги слушаме. Тргнавме сѐ на страна и за 24 часа го убивме проектот. Така да тоа е огромен чекор кој треба да влезе и во историјата на фудбалот“, заврши предводникот на „Топчиите“.