Свет

Асанж не е веќе во самица, здравствената состојба му е подобрена

18. февруари 2020 - 14:47 | МИА

Основачот на Викиликс, Џулијан Асанж, не е веќе во самица во лондонскиот затвор и неговата здравствена состојба е подобрена, рече неговиот колега и портпарол, Кристин Храфнсон.

Храфнсон ова го кажа на прес-конференција во пресрет на контроверзното сослушување за екстрадирањето на Асанж во САД, кое треба да почне следната недела.

САД го бараат Асанж по 18 точки од обвинението за обид за хакирање, протекување информации и кршење на Законот за шпионирање. Доколу биде осуден, на Асанж му се заканува казна од неколку децении во затвор.

Приврзаниците на Асанж изразија загриженост заради третманот што го има во затворот и како сето тоа влијае врз неговото здравје, јавуваат светските агенции.

Таткото на Асанж, Џон Шиптон, претходно денеска кажа дека е загрижен за здравјето на син му бидејќи „постојано е анксиозен”.

Тој, исто така, изрази загриженост дека ако син му биде испорачан во САД, тоа ќе биде смртна казна за него.

Коментирај