Асанж не можеше да се сети како се вика и колку години има пред судот во Лондон

Основачот на Викиликс Џулијан Асанж делуваше збунето на неговото прво сослушување пред судот во Лондон денеска и се чинеше дека се мачи да се сети како се вика и колку години има.

Асанж (48), кој помина седум години во амбасадата на Еквадор во Лондон пред да биде изваден оттаму во април годинава, се соочува со 18 обвиненија во САД, вклучувајќи заговарање за хакирање владини компјутери и кршење на законот за шпионажа.

Ако биде осуден може да добие затворска казна од неколку децении.

Денеска се појави пред судот во рамките на постапката за негова екстрадиција во САД со поинаков имиџ - избричен, без долгата брада што ја имаше последниот пат кога беше виден во јавност во мај, кога беше осуден на 50 недели затвор за непојавување пред суд.

Светските медиуми јавуваат дека Асанж пркосно кренал тупаница кон неговите поддржувачи кои седеле во галеријата на судницата за да го видат нивниот херој.

Според медиумите, тој изгледал слаб, но здрав, зборувал „многу благо и на моменти се чинел уморен и збунет“.

Асанж и неговиот правен тим не успеаја да ја убедат судијката Ванеса Барајтсер дека е оправдано тримесечно одложување на и онака бавниот процес.

Откако судијката одбила да го одложи процесот, Асанж со нервозен глас рекол дека не ги разбира процедурите пред судот.

Тој исто така рекол дека неговиот случај „не е фер“ затоа што американската Влада има „неограничени ресурси“, додека тој нема лесен пристап ниту до адвокати ниту до документите што му се потребни за да се бори против екстрадицијата.

„Тие ги имаат сите предности“, рекол Асанж, кого САД го бараат поради објавување десетици илјади тајни владини документи преку Викиликс.

Американските власти го обвинуваат Асанж за заговор со поранешната аналитичарка на воената разузнавачка служба на САД Челси Менинг за упад во компјутер со доверливи податоци во Пентагон. Обвинението беше објавено на 11 април, откако Асанж беше уапсен претходно истиот ден во еквадорската Амбасада во Лондон, во која се засолни во 2012 година за да не биде екстрадиран во Шведска под обвинение за сексуален напад.

реклама

Свет

Преглед на состојбата со COVID-19 во светот

Read more

Ердоган: Азербејџан мораше да ги земе работите во свои раце

Read more

Баку: Имаме одговор доколку Ереван го употреби ракетниот систем „Искaндер“

Read more

Меркел: Бројот на заразени во Германија би можел да биде 19.200 дневно

Read more

Вести

Филипче: За кратко време ќе имаме брзи тестови за COVID-19, достапни ќе бидат во болниците и на граничните премини

Читај повеќе

Ако финансиската поддршка не стигне до работниците ќе следат кривични пријави, предупреди премиерот

Читај повеќе

Заев: Прашањето за Гоце Делчев треба да го решава Мешовитата комисија

Читај повеќе

Преглед на состојбата со COVID-19 во светот

Читај повеќе

Ердоган: Азербејџан мораше да ги земе работите во свои раце

Читај повеќе

Баку: Имаме одговор доколку Ереван го употреби ракетниот систем „Искaндер“

Читај повеќе

Гордана Јанкулоска упатена во КПУ Идризово за случајот „Тенк”

Читај повеќе

Меркел: Бројот на заразени во Германија би можел да биде 19.200 дневно

Читај повеќе

Клуге: СЗО сѐ уште не знае дали коронавирусот настанал по природен пат

Читај повеќе