Европската вселенска агенција (ЕСА) објави на социјалните мрежи дека жителите на Филипините ќе можат да бидат сведоци на спектакуларна огнена топка на небото еден час по полноќ.
Астероид со пречник од еден метар ќе удри во атмосферата на Земјата по полноќ по локално филипинско време, објави Европската вселенска агенција (ЕСА) во соопштението на платформата X.
„Астероид со дијаметар приближно еден метар ќе удри во атмосферата на Земјата над Филипините во близина на островот Лузон во 17:08 (UTC) денес, 4 септември. Објектот е безопасен, но луѓето во околината ќе можат да видат спектакуларна огнена топка!“, соопшти ЕСА.
⚠️☄️Incoming!
— European Space Agency (@esa) September 4, 2024
A roughly 1 metre asteroid will strike Earth’s atmosphere over the Philippines near Luzon Island at 17:08 UTC today, 4 September.
The object is harmless, but people in the area may see a spectacular fireball!
Discovered this morning by the Catalina Sky Survey,… pic.twitter.com/UjQLbh3fFr
Споменатиот астероид беше откриен дури утрово од опсерваторијата Catalina Sky Survey во Аризона, која е специјализирана за откривање комети и астероиди.
Интересно е и тоа што ова е само деветтиот астероид кој човештвото досега успеало да го открие пред да удри во атмосферата на Земјата.
