Астероид кој одговара на големината на највисоката зграда во светот, Бурџ Калифа, се движи со огромна брзина кон Земјата. Покрај нашата планета треба да мине во недела, на 29 ноември.
Нема долго да се задржи во наша близина, се движи со брзина од 90.000 километри на час. Само за споредба, просечната брзина на куршум изнесува околу 4.500 километри на час, пренесе RT.
Астероидот е со големина од 823 метри, што е пет метри помалку во однос на висината на Бурџ Калифа во Дубаи. Нема да биде видлив за повеќето на Земјата, бидејќи е оддалечен повеќе од 4,3 милиони километри.
НАСА потврди дека станува збор за астероидот 153201 2000 WO107.