Астероидот што се појави одненадеж изгоре над Филипините

Над островот Лузон на Филипините, изгоре астероид кој беше откриен само неколку часа пред да влезе во атмосферата на Земјата.

Астероид со пречник од еден метар беше откриен од проектот Catalina Sky Survey на НАСА и веднаш било јасно дека поради големината не претставува никаква закана, односно дека ќе изгори во атмосферата.

Но, што ако станува збор за поголем вселенски објект? Ова е само деветти пат да откриеме астероид пред да стигне до Земјата, иако Европската вселенска агенција (ЕСА) вели дека астероид од еден метар удира во атмосферата на нашата планета на секои две недели.

Сепак, тоа е помал објект. Кога би бил многу поголем, би бил „посветол“, односно би рефлектирал повеќе светлина и би го откриле многу порано - освен ако не доаѓа од правец на Сонцето, што би можело да го сокрие со својот сјај, пишува Universe Today.

Влијанијата на поголемите астероиди и комети во минатото многу влијаеле на животот на нашата планета. Најпознатата ваква катастрофа се случи пред 66 милиони години кога астероид широк 10 километри удри во областа на денешниот полуостров Јукатан во Мексико.

Ударот предизвика експлозија која имаше енергија од неколку милијарди атомски бомби и уништи 75% од сите растителни и животински видови, вклучувајќи ги и сите копнени диносауруси.

Но, дури и помалите предмети можат да предизвикаат оштетување. Пример за опасноста што ја претставуваат малите астероиди и комети е објектот што на 15 февруари 2013 година навлезе во земјината атмосфера во близина на рускиот град Челјабинск. Се верува дека бил со дијаметар од 20 метри и тежок 18 тони. Експлодираше во атмосферата, предизвикувајќи огромна експлозија во која беа повредени повеќе од 1.500 луѓе.

Метеорот Чељабинск е најголемиот вселенски објект што влегол во атмосферата на Земјата во последните сто години, но никој не го видел како доаѓа. Ни се прикрадуваше од правец на Сонцето, додека не беше предоцна.