Aston Martin започна со производство на својот SUV модел DBX707, а од производната линија во Сент Атан излезе првиот примерок.
DBX707 е придвижуван од 4,0-литарски твин-турбо V8 мотор кој развива 697 КС и го прави моментално најмоќниот SUV во светот. Сега кога производството официјално започна, моделот ќе биде испорачан на клиенти во повеќе од 50 земји.
Aston Martin ангажираше 100 нови обучени техничари за поддршка на производството на DBX707 во фабриката во Сент Атан. DBX е првиот сериски автомобил што се произведува во Велс по речиси 50 години, а DBX707 е првиот модел развиен под надзор на Лоренс Строл, новиот извршен директор.
„DBX707 е симбол на новата ера за Aston Martin и симбол на способноста на брендот да комбинира супериорен луксуз со високи перформанси. Првите реакции од клиентите и медиумите се фантастични, а го подобривме производството. Фантастично е што имавме можност да го развиеме нашиот тим и да понудиме нови можности за вработување на луѓето од локалната заедница“, изјави извршниот директор на Aston Martin, Мајкл Строган.
DBX707 забрзува од 0 до 100 km/h за 3,3 секунди и достигнува максимална брзина од 310 km/h. Неговиот моќен мотор е поврзан со нов и побрз 9-степен автоматски менувач и подобрен диференцијал со ограничена влечна сила, а подобрени се и погонот на сите тркала и шасијата.
Првите испораки до клиентите се очекуваат пред крајот на јуни. Цената на основниот модел во Европа е нешто повеќе од 220.000 евра.