Откријте дали сте креативци, материјалисти или можеби приврзаници на традицијата.
Веројатно многу пати во животот сте виделе личност која толку напорно се бори за работа и просперитет на таа област, што веднаш сте ја означиле како кариерист. Исто така, сигурно сте изјавиле дека некој е добар домаќин, односно семеен човек. Не е невообичаено да се сретнете со ентузијасти, односно уметнички души кои сè во својот живот подредуваат на креативната работа.
Потоа следуваат спортистите, па хуманистите кои целиот свој живот се занимаваат со другите. Овој вид на етикетирање, иако може да се доживее како екстрем, всушност е перцепција на она што другите луѓе го гледаат во истакната форма кога ве набљудуваат.
Астролог открива во која група припаѓа вашиот хороскопски знак според ваквото категоризирање:
ОВЕН
Овенот најмногу може да биде етикетиран како кариерист. Тој максимално се бори за својот деловен просперитет и во таа смисла никогаш не се откажува. Може да „забега“ во голема мера, така што навистина запоставува некои други области од својот живот, иако за Овенот не може да се каже дека не е семеен човек.
БИК
Бикот е прво и основно семеен човек. Тој вешто флертува во областите од животот помеѓу работата и семејството. Затоа би било идеално решение да има семеен бизнис. На тој начин најлесно би создал нешто убаво и корисно и би дошол до рамнотежа, односно да не страда ниту една од неговите посакувани сфери.
БЛИЗНАЦИ
Близнаците се пред сè уметнички души. Креативноста и инспирацијата што само тие си ја знаат им се најважни. Ако дојде до тоа нивната креативност да биде забележана, или уште подобро – да се исплати, тогаш никој и ништо никогаш нема да ги спречи за да постигнат се што планирале. Попатно, може да страдаат и други области од животот.
РАК
Раковите по енергијата спаѓаат во „вљубеници“. Ова е нова категорија која не ја спомнавме. За нив љубовта е најважната област во животот и сè можат да потчинат на партнерство. Во овој знак може да се роди жена која седи дома, со високо образование, невработена, само затоа што партнерот тоа го побарал од неа.
ЛАВ
Лавот е прво и основно кариерист. Лавовите дефинитивно сè можат да подредат на работата, трудот и пред сè заработката. Постојано нешто „матат“, па без разлика колку бизниси и „комбинации“ ќе им пропаднат, секогаш создаваат нова идеја, нова визија за работата, која може да им донесе убав баланс и задоволство. Во работата, исто така им е важно и да создаваат нешто и да извршат влијание врз средината, а не само да заработат пари. Само Лав кој работи може да биде среќен Лав.
ДЕВИЦА
Девиците се вистински уметнички души. Големи ентузијасти кои едноставно никогаш не се откажуваат од своите соништа. Тоа што околината навистина нема да покаже некое посебно разбирање за нивните соништа, нешто посебно нема да влијае на нив. На нивната карактеристика може да се додаде и семејниот живот, кој е високо рангиран на скалата на приоритети.
ВАГА
Вагите се првенствено уметнички души, креативци, па дури потоа семејни луѓе. Исто така, голем број астролози, според нивното толкување, ги етикетираат како „друштвени“, што всушност во голема мера е точно. Вагата е способна да се занимава со социјална работа и тоа целосно да ја исполнува, дури и кога заработката од таквата работа би била минимална.
СКОРПИЈА
Скорпиите може да бидат етикетирани како луѓе кои би направиле „сè за пари“. Сè во животот подредуваат на амбиција, работа, заработка, сè што е поврзано со можноста за создавање поудобен живот во иднина. За волја на вистината, некои астролози Скорпиите ги етикетираат и како „прељубници“, иако нивната потреба за флерт никогаш не ја надминува потребата за пари.
СТРЕЛЕЦ
Стрелците се првенствено семејни луѓе, кои за разлика од погоре споменатата Скорпија, никогаш не ја истакнуваат својата амбиција и ретко дозволуваат таа амбиција да се претвори во нешто што би претендирало да доминира во нивниот живот. За нив семејството е на прво место и приоритет им е да го зачуваат семејството во целина.
ЈАРЕЦ
Јарците се многу големи традиционалисти и од тоа произлегува јасен заклучок дека тоа се луѓе кои првенствено ги интересираат семејните настани и односите со најблиските. Тоа е нивната прва и најважна област од животот. Не може да се каже дека е единствената, бидејќи никогаш не ја занемаруваат амбицијата, туку амбицијата кај нив ќе мора да се обликува според желбите на најблиските.
ВОДОЛИЈА
На Водолијата најважна ѝ е креативноста. Тие се вистински уметнички души и ентузијасти. Понекогаш се наклонуваат кон сосема нереален живот кој всушност не носи посебни можности за постигнување на некои материјални цели. Водолијата секако не ја врзува ништо од материјален вид.
РИБИ
Рибите би можеле да се категоризираат како големи материјалисти. Парите им се многу важни, иако нивната амбиција не мора да биде еднаква на нивниот „глад“ за пари. Обожаваат кога ќе добијат нешто „на гага“, а често и успеваат во тоа. Понекогаш клучната област во нивниот живот се емоциите, но тоа ќе биде со пократок период, најмногу две години.
