Тимот од Билбао е чекор поблиску до финалето откако синоќа минимално славеше над Гранада.
Баскиската гордост успеа да победи во првото полуфинале од шпанскиот куп, иако работата е далеку од завршена бидејќи предноста е минимална, а следува и реванш.
На преполниот „Сан Мамес“ единствениот гол беше дело на Икер Муниаин на аситенција на Ињаки Вилијамс на три минути пред паузата кога конечно беше скршен отпорот на Гранада.
Гостите беа дефанзивно ориентирани и само трипати се заканија кон голот на Унаи Симон.
Ветеранот и голгетер Ариц Адуриз во игра влезе во 67. минута, но и тој не успеа да влијае на резултатот, па натпреварот заврши со минимална победа на Атлетик.
Реваншот е закажан за 5 март во Гранада, додека вечерва се игра и второто полуфинале, повторно во Баскија, помеѓу Реал Сосиедад и изненадувањето од Сегунда, Мирандес.