Атлетико Мадрид и Барселона ремизираа со 1:1 во дербито од осмото коло од Ла Лига, но начинот на кој Атлетико и даде гол на Барселона, далеку повеќе личи на нивниот ривал.
Саул Нигез во 21 минута ги воодушеви домашните навивачи, Атлетико Мадрид поведе до 1:0, а голот на Нигез беше постигнат после 18 додавања!
Барселона од сезоната 2005/6 нема примено погодок после толку врзани пасови на противникот.
Брзи и кратки додавања, топката ја додаваше Гризман кој беше константна опасност по голот на Тер Штеген и Саул кој ја повлекуваше топката десно.
Џерар Пике се постави пред него, малку доцнеше да го затвори ударот и дури момент подоцна тој и Тер Штеген можеа само да гледаат како топката влегува во мрежата на Барселона.
Свој удел во овој натпревар даде и Суарез, кој во 82 минута конечно го проби мразот и ја погоди мрежата на Јан Облак.
Атлетико до тој момент играше цврсто, а Суарез го постигна погодокот после центаршут на Серхи Роберто и стана првиот фудбалер на Барселона кој дал гол на новиот стадион на клубот од Мадрид.
Лео Меси беше главниот двигател на сите акции на својот клуб, но тој не успеа да се запише во листата на стрелци, а Барселона не успеа да дојде до пресврт и триумф.
