Едниот од најдобрите тенисери на сите времиња, Роџер Федерер за првпат од јануари 2017 година не се наоѓа во првите топ 10 на АТП листата.
Швајцарскиот тенисер оваа сезона не играше на многу турнири што резултираше со лош резултат на АТП листата.
Федерер е на 11. место на најдобрите тенисери во светот.
Оваа сезона Федерер одигра само 13 натпревари бидејќи поради повредата не можеше да настапи на повеќе турнири.
Федерер од топ 10 испадна за прв пат во 2016 година, но откако паузираше поради операција на коленото. Тогаш експресно се врати на врвот на листата, но сега е прашање дали некогаш воопшто ќе се врати во топ 10.
Првото место сè уште му припаѓа на Новак Ѓоковиќ. Во топ 10 се и Циципас, Надал, Зверев, Рубљов, Беретини, Тим, Руд и Хуркач.
