Новите Audi A3 Sportback, Kia Sorento и Land Rover Defender ги добија максималните 5 ѕвезди за безбедност на Euro NCAP тестовите.
Последните тестови во 2020 година беа фокусирани на подобрување на компатибилноста на возилата. Audi A3 и SEAT Leon кои се базирани на MQB платформата на Volkswagen групацијата, добија по 5 Euro NCAP ѕвезди и го потврдија резултатот што Volkswagen Golf го оствари кон крајот на минатата година.
Што се однесува на Audi, безбедносниот рејтинг за возрасни патници е 89 отсто, а 81 отсто за деца, а SEAT оствари рејтинг од 92 и 88 отсто.
Новиот Defender значително ја унапреди безбедноста со интегрирање на низа напредни помошни системи за возачите, вклучувајќи го автономниот систем на кочење во итни ситуации.
Новиот Sorento исто така доби 5 ѕвезди.
Honda E доби 4 ѕвезди бидејќи нема напредни безбедносни системи како поголемиот модел Jazz.
