Како и секоја година, по Баерн Минхен и Реал Мадрид, нови автомобили од Audi добија и играчите на Барселона.
Audi секоја година ги наградува фудбалерите на Барселона со нови автомобили, а тоа се случи и оваа година.
По тренингот кој се одржа во четвртокот во тренинг-кампот „Жоан Гампер“, играчите, заедно со тренерот Ернесто Валверде отидоа на патеката Circuit de Barcelona-Catalunya. Таму беа пречекани од шпанскиот професионален возач Жорди Гене и младиот швајцарски возач Нико Мулер.
Играчите најпрво беа подучувани од Мулер како да го извлечат максимумот од нивните автомобили, а потоа и им беа доделени новите модели од Audi.
Бускетс го избра моделот R8 V10 Plus кој чини 218.000 евра. Иниеста доби SQ7 4.0 TDI кој чини 113.000 евра, а Пике го одбра RS6 Avant, чија цена изнесува 143.000 евра.
Најголемата ѕвезда на Барселона, Лионел Меси исто така ќе го вози моделот RS6 Avant.