Audi го претстави концептот A6 e-tron на Саемот за автомобили во Шангај.
Германскиот произведувач оваа година претстави неколку нови електрични модели. Најпрвин, во февруари се појави е-tron GT, во половината на април ги претставија Q4 e-tron и Q4 Sportback e-tron, а сега го претставија и А6 e-tron Concept.
Audi A6 e-tron го движат 2 електрични мотори со 475 коњски сили и 800 Nm максимален вртежен момент.
Тој е заснован на PPE(Premium Platform Electric) платформата, па затоа од 0 до 100 км/час забрзува за помалку од 4 секунди.
Истата платформа ќе се користи и за електричните SUV автомобили Q5 e-tron и Q6 e-tron, a Porsche исто така ќе ја користи оваа платформа за новата генерација на моделот Macan.
Концептот е опремен со батерија со капацитет од 100 kW. Со полнење од само 10 минути може да се поминат дополнителни 300 километри, а за 25 минути се полни до 80% од максималниот капацитет.
Погонот е на сите тркала.