Audi го претстави концептот Activesphere кој дава визија за мобилноста во иднината на германската компанија.
Audi наведува дека станува збор за луксузно купе кое се трансформира во пикап. Богат е со висока технологја и идеи кои веројатно во блиска иднина ќе дочекаат нивна интеграција во сериските автомобили.
Концептот ги комбинира стилот на Audi Sportback и AllRoad моделите во целосно електрично возило слично на SUV. Има воздушно подвозје со адаптивни амортизери.
Кога возилото е во офроуд мод, крилцата на 22-инчните фелни се отвораат за да ја оптимизираат вентилацијата, додека во возење по улица се затвораат со цел да пружат што подобра аеродинаимка.
Задниот прозор е функционален и се движи во рамнина со кровот за да се создаде простор за товар. Дел од задната маска се спушта за да креира врата за багажникот. Моторизираната преграда се отвора кога се користи просторот за товар, а служи за оддвојување на внатрешноста.
Во кабината се наоѓаат четири седишта. Кога автомобилот е во автономен режим, арматурната плоча, управувачот и педалите исчезнуваат. Се чини како седиштата да „лебдат во кабината”, а споени се со централна конзола која обезбедува греење и ладење.
Посебно внимание привлекуваат AR сетовите за главите на возачот и патниците, кои овозможуваат приказ на виртуелни содржини како контролни панели, информациски екрани и многу други содржини.
Audi го има развиено концептот на Premium Platform Electric платформата во соработка со Porsche. Оваа платформа ја користат различни возила, а концептот има два електрични мотори кои испорачуваат 242 КС и 720 Nm. Батеријата има капацитет од 100 kW.
