Германскиот Audi се чини дека има во план изработка на SUV автомобил во кабриолет верзија.
Магазинот „Autoguide“ објави скици од патентот на Audi, на кои се прикажува SUV со единствен механизам на расклопување на кровот.
Тој механизам би ја зголемил безбедноста во случај на превртување на автомобилот, бидејќи дел од кровот кој се состои од три дела и кој се склопува, ги покрива само задните седишта, додека предниот секогаш останува над седиштата на возачот и сувозачот.
Централниот дел од кровот оди во багажникот, додека задниот дел би имал улога на капак, што го поедноставува процесот на покривање на кровот.
На тој начин се намалува и тежина на возилото и се овозможува поголем простор во багажникот. Се шпекулира дека Audi овој патент би можел да го употреби во моделот Q8.
Се шпекулира и дека Audi го патентирал овој механизам, непосредно откако Nissan го промовираше Murano Cross кабриолетот, а Range Rover најави Evoque cabriolet.
