Објавен е првиот трејлер за комедијата „CHiPs“, со комичните актери Дакс Шепард и Мајкл Пења во главните улоги. Базирана на американската комична серија од 70-тите, „CHiPs“ ќе се фокусира на авантурите и незгодите на двајца полициски лица, дел од патролата на автопатите во Калифорнија.
Во филмот, ликот на Мајкл Пења е федерален агент тајно инфилтриран во патролната полиција со цел да истражи дали полицијата имала некаква вмешаност во неодамнешна кражба. Работата ќе му ја отежни партнерот - младиот пензиониран X-Games возач, ликот на Дакс Шепард, кој станал дел од патролата само за да си го спаси бракот со лик глумен од страна на неговата вистинска сопруга, Кристен Бел.
Дакс Шепард исто така го напиша и режираше филмот, кој изгледа исполнето со акциони и комични моменти. Како што кажа Шепард, идејата му била да направи нешто во стилот на култните комедии во полициско дуо, како Bad Boys и Lethal Weapon.
Погледнете го трејлерот: