Патници останаа заглавени на аеродром во Мексико откако по принудното слетување на авионот, американската авиокомпанија “Сан кантри ерлајнс“ одлучила да не прати друг авион што ќе ги земе патниците.
Принудното слетување на авионот се должело на врнежите од снег што го попречиле одвивањето на сообраќајот на Меѓународниот аеродром Минеаполис-Сент Пол, крајната дестинација на патниците.
За жал, летовите на компанијата за Лос Кабос и Мезатлан биле сезонски, а откажаниот лет бил последниот во сеоната, па така, наместо да бидат пренасочени на друг лет или да им бидат вратени парите, на патниците им било кажано сами да се снајдат како ќе се вратат во САД.
Извршниот директор рече дека во тој момент немале на располагање ниту еден авион, што значи дека ќе морале да откажат друг лет за да пратат авион во Мексико.
Авиокомпанијата исто така нема соработки со други авиопревозници со кои би можеле да си заменуваат и префрлаат патници по потреба.