Авион од периодот на Втората светска војна се распадна во лет и се сруши во дворот на една куќа во Њујоршката област „Long Island“.
Според пишувањата на локалните медиуми, починат е пилотот, кој всушност бил и единствениот човек во леталото, но се уште не е утврден неговиот идентитет.
Авионот беше дел од авионска претстава, а се сруши околу 13:52 часот по локално време.
На социјалните мрежи можат да се видат и фотографии од срушениот авион благодарение на Лаурен Пелер, жената во чиј двор паднаа деловите од распаднатиот авион.
Авионот најпрво се распадна во воздух, а потоа деловите почнаа да паѓаат на земјата. Срушени се неколку стебла, предизвикан е и пожар, но за среќа нема повредени од овој инцидент.
„Неверојатна среќа е тоа што деловите од авионот не погодија никого“, вели помошник градоначалникот Дејвид Каплан и додаде дека деловите од авионот се распаднале на само неколку метри од куќите.
Се пренесува и дека настанал и пожар, кој избил веднаш откако паднале деловите од авионот, но благодарение на брзата интервенција на пожарникарите тоа помина без последици по никого.