Фудбалската репрезентација на Австралија би можело да го пропушти Светското првенство во Русија поради скандалот во Лондон во кој беше отруен двоен руски шпиун.
Министерката за надворешни работи Џули Бишоп рече дека бојкот на Мундијалот би можело да биде еден од следните чекори.
Денеска беше соопштено дека Австралија, од солидарност со Велика Британија, ги протерува руските дипломати од земјата поради труењето на шпиунот во Лондон.
Австралија со ваквиот чекор се приклучи на бројни земји во Европа, вклучувајќи ја и Македонија, како и на Канада и САД, кои исто така ги протераа руските дипломати.
„Има цел спектар на опции за понатамошно делување, а тука спаѓа и Светското првенство“, рече Бишоп.
Нешто слично рече и британскиот министер за надворешни работи Борис Џонсон, кој како опција го спомна бојкотот на Мундијалот.
Од солидарност со Велика Британија, Мундијалот во Русија би можело да го бојкотираат шест земји: Австралија, Полска, Исланд, Данска, Шведска и Јапонија.
