Во Австралија се појави потполно нов вид на кафе. Имено, произведувачите направија прав од брокола, која може да се додаде во кафето.
Едно кафуле во Мелбурн веќе го стави кафето со брокола во своето мени.
Експерти велат дека броколата во прав може да се користи и на други начини. Имено, оваа супер храна може да се додава и во супи, во најразлични видови на печена храна или во смути.
Иако кафето со брокола можеби не звучи најпримамливо, оние кои ја пробаа во Австралија тврдат дека зеленчукот воопшто не го почувствувале. Правот обично се додава во еспресо со топло млеко.
Според најновите истражувања, 51 отсто од Австралијанците не ја јадат препорачаната дневна количина на овошје и зеленчук.
Научникот Мериен Августин тврди дека две лажички прав од брокола се еднакви на една порција зеленчук.
Вкусот на броколата не е омилен за сите, а на некои луѓе ни им се допаѓа нејзиниот изглед, па поради тоа не сакаат ниту да ја пробаат.
Токму поради тоа, многу зеленчук завршува во отпад. Консумацијата на брокула во прав би можела да ги спречи сите поголеми пропаѓања и фрлања на храна.
Бидејќи броколата е богата со хранливи материи како што се витамин Б, магнезиум, калциум и цинк, овој прав би можел да има поволно влијание на здравјето.
Многу истражувања покажаа дека броколата е важна при превенција и лекување на различни видови на карцином.
Таа се користи и за намалување на холестеролот, штити од болести на срцето и го регулира крвниот притисок.
Сепак, интересно би било да се проба во оваа варијанта со кафе, кое наскоро можеби ќе стане вистински хит во Австралија.