Како што се покажа во последно време, пожарите во зафрлените делови на Австралија може да горат со часови и да се шират со голема брзина пред некој да ги забележи, а додека да пристигнат пожарникарите, се прави огромна штета. Сепак, Австралијците се обидуваат да го решат проблемот.
Австралиските пожарникари се обидуваат поефикасно да откриваат пожари со употреба на нови методи. Повеќето пожари се пријавуваат преку бројот за итни случаи Tripple Zero (000), што овозможува контактирање со полицијата, пожарникарите и брзата помош.
Сепак, новиот систем може да им помогне на пожарникарите поефикасно да се справат со пожарите, а на него работи и компанијата Fireball со седиште во Квинсленд. Станува збор за специјален сателит што ќе открива пожари во Австралија.
Компанијата Space Machines, австралиски провајдер на вселенски транспорт, потпиша договор според кој ќе лансира сателит во орбитата користејќи ракета Optimus-1.
Сателитот треба да биде лансиран за една година и ќе стане првиот од вкупно 24 што ја следат ситуацијата над Австралија. Системот ќе може да открие пожар три до пет минути по неговото настанување и ќе им овозможи на пожарникарите брзо да ги проценат условите и да реагираат.
Сателитот ќе работи преку компјутер, споредувајќи ги неодамнешните снимки со нови и со тоа ќе открие пожари.
