Вкупниот удел на електрични и хибридни автомобили меѓу новорегистрираните возила во август во Австрија изнесуваше 42,2 проценти, додека учеството на бензинците падна на 35,1 проценти, а на автмобилите на дизел погон на само 22,7 проценти.
Хибридните и електричните возила во Австрија ги стигнаа бензинските и дизел возилата, со речиси двојно учество во новите регистрации минатата година, покажаа податоците на австриското биро за статистика.
Вкупниот удел на електрични и хибридни автомобили меѓу новорегистрираните возила во август изнесуваше 42,2 проценти, додека учеството на бензинците падна на 35,1 проценти, а на „дизелашите“ на само 22,7 проценти, изјави директорот на Бирото за статистика, Тобијас Томас.
Податоците покажуваат дека учеството на возила со алтернативен погон во новите регистрации е повеќе од двојно зголемено за само една година.
Бројките исто така упатуваат на заклучок дека Австријците се сѐ помалку склони кон автомобили воопшто, имајќи предвид дека во август се регистрирани 15 проценти помалку автомобили отколку во истиот период во 2020 година.
