Македонија

Автобуска несреќа: Критична состојбата на тројца од повредените во „8 Септември“

17. февруари 2019 - 12:52 | МИА

Скопје, 17 февруари 2019 (МИА) – Во Градската општа болница „8 Септември“ хоспитализирани се 18 пациенти, а тројца од нив се во критична состојба.

Останатите 15 пациенти се во стабилна здравствена состојба и закрепнуваат од повредите во тешката сообраќајна несреќа  што се случи во средата на автопатот Скопје – Тетово кај Ласкарци.

Еден пациент вчера е пуштен на домашно лекување, соопшти Министерството за здавство.

Во Клиничкиот центар во Скопје хоспитализирани се шест пациенти, од кои тројца на Клиниката за анестезија, реанимација и интензивно лекување – КАРИЛ. Двајца од нив се во стабилна состојба.

-Пациентот кој е хоспитализиран на Клиниката за торакална хирургија и пациентката (трудница), која се наоѓа на Клиниката за гинекологија и акушерство, се исто така во стабилна здравствена состојба. Во моментов се изведува операција на пациентка од Неврохирургија, соопшти Министерството за здравство.

Пациентката која се наоѓа во болницата во Тетово е во стабилна и добра здравствена состојба.

Коментирај