Тотенхем го совлада Евертон во последниот натпревар од 33. коло во Англија со што на својот стратег му ја донесе јубилејната 200. победа во премиер лигата.
Во 24. минута Мајкл Кин едноставно при обид да блокира ѝ го смени правецот на топката при ударот на Џовани Ло Селсо и го измами гостинскиот голман Џордан Пикфорд. Тој гол се покажа решавачки носејќи му три бода на Тотенхем против Евертон.
За Жозе Мурињо овој триумф е јубилеен број 200 во Премиер лигата. Португалецот со ова достигнување влезе во круг на тренери како Фергусон, Венгер и Реднап. На Сер Алекс му беа потребни 322 натпревара за да стригне до победата број 200, додека Мурињо тоа го направи во 326. натпревар.
Број на победи во Премиер лигата:
528 Сер Алекс Фергусон
476 Арсен Венгер
236 Хари Реднап
207 Дејвид Мојс
200 Жозе Мурињо
Уште годинава веројатно Мурињо ќе го престигне Мојс кој е на 4. место на вечната листа, додека во иднина би требало да го стигне и Реднап. Овие 200 победи ги оствари како предводник на Челси, Манчестер Јунајтед и Тотенхем.