Вчера во Париз NISSAN ја претстави сосема новата генерација на својот иконски електричен модел LEAF, кој се враќа со значително поинаков дизајн и значително подобрени перформанси.
Новата генерација LEAF носи кросовер дизајн со импресивен коефициент на отпор од само 0,25, што придонесува за поголема енергетска ефикасност. Моделот ќе биде достапен со две опции за батерии, стандардна од 52 kWh со дострел до 436 километри и продолжена од 75 kWh што овозможува возење до 604 километри според стандардот WLTP.
Брзината на полнење е особено импресивна, возилото може да достигне досег од 417 километри по само 30 минути полнење на брз полнач со моќност до 150 kW. Со брзина од 130 км/час на автопат, LEAF постигнува дострел од повеќе од 330 километри, што го прави конкурентен со возила со класични мотори и на долги растојанија.
Технолошки, новата генерација е опремена со вградени услуги на Google достапни на два екрани од 14,3 инчи, премиум аудио систем BOSE Personal Plus и напредни системи за помош при возење, вклучувајќи го и ProPILOT Assist. Возилото, исто така, ја поддржува функцијата Vehicle-to-Load за напојување на надворешни уреди и подготовка за технологијата Vehicle-to-Grid.
LEAF е изграден на модуларната платформа CMF-EV што ја дели со ARIYA, а ќе се произведува во фабриката во Сандерленд како дел од иницијативата EV36Zero за одржлива електрична мобилност.
Од своето лансирање во 2010 година, LEAF продаде речиси 700.000 единици низ целиот свет како прво електрично возило за масовен пазар. Нарачките за новата генерација започнуваат оваа есен, а првите испораки се планирани за пролет 2026 година.
