Opel соопшти дека следната генерација на Astra ќе се произведува во матичната фабрика во Риселсхајм, на новата платформа STLA One на Stellantis.
Веста ја потврди извршниот директор на Opel, Флоријан Иетл, на Stellantis Investor Day, каде што откри планови за воведување на најмалку четири нови модели до 2030 година.
Заедно со новата Astra, во тек е и нова генерација на Corsa, која повеќе од пет години останува еден од најпродаваните мали автомобили во Германија. Третиот нов модел ќе биде C-SUV развиен во соработка со кинескиот Leapmootor, чие производство е планирано во Сарагоса, а продажбата би можело да започне веќе во 2028 година.
Вкупните инвестиции на Opel и Stellantis во Германија до 2030 година ќе надминат една милијарда евра. Дел од овие средства се насочени кон изградба на новото седиште на компанијата, таканаречениот grEEn-кампус во Риселсхајм, кој ќе користи обновливи извори на енергија, геотермални системи и зелени покриви.
C-сегментот сочинува околу 30 проценти од вкупната продажба на автомобили во Европа, а Opel има богата традиција во тоа. Од Kadett од 1936 година до денес, продадени се вкупно околу 25 милиони Kadett и Astra и повеќе од 15 милиони Corsa автомобили.
