По Volkswagen, Mercedes исто така размислува за премин во производство на оружје, објавија германските медиуми.
„Светот стана уште понепредвидлив и затоа Европа мора да го прошири својот одбранбен профил. Подготвени сме ако можеме да играме позитивна улога во овој процес“, изјави извршниот директор на Mrcedes-Benz, Ола Керлениус, за Wall Street Journal.
Керлениус верува дека автомобилската индустрија е позната по производство на „висококвалитетни прецизни машини“ и затоа е погодна за производство на оружје. Во исто време, тој рече дека производството на автомобили ќе остане основен сектор на Мерцедес, а производството на оружје ќе биде споредна активност.
Ова може да биде „растечка производствена ниша што би придонела за целокупниот деловен резултат“, рече Келениус, додавајќи дека Mercedes веќе активно учествува во зајакнувањето на безбедноста и подготвеноста на НАТО.
„Многу варијанти на нашата Г-класа работат низ целиот свет како воени возила“, нагласи Келениус. Пред Mercedes, Volkswagen исто така го објави својот влез во воената индустрија.
Според германските медиуми, фабриката за каросерии во Оснабрик би можела да ја преземе израелскиот концерн Рафаел, кој би произведувал делови за својот противракетен систем „Железна купола“ во северна Германија.
Извршниот директор на Volkswagen, Оливер Блуме, исто така, најави зголемено вклучување во секторот за воен транспорт. Германската автомобилска индустрија се соочува со пад на побарувачката веќе неколку години по ред и најави отпуштања на неколку илјади работници и затворање на фабрики.
