Renault Clio, кој поставува стандарди во својата категорија веќе 35 години, ја претставува својата шеста генерација со сосема нов дизајн и напредна технологија. Како најпродаван француски автомобил на сите времиња со речиси 17 милиони продадени единици во 120 земји, Clio продолжува да доминира на европскиот пазар.
Новата генерација носи помоќен E-Tech хибриден погон со 160 КС, кој во исто време е поефикасен со рекордно ниски 89 g CO2/km и потрошувачка од само 3,9 l/100 km. Овој хибрид заштедува до 40% гориво во споредба со конвенционалниот бензински мотор, а до 80% од времето на возење може да се одвива на електрична енергија.
Внатрешноста е подобрена со рециклирани материјали, двоен екран во форма на V со мултимедијален систем OpenR Link со вградени услуги на Google, прв во својата категорија со вакви карактеристики. Новото Clio нуди 29 напредни системи за помош на возачот (ADAS).
Низ својата историја, Clio разви бројни иконски верзии, од луксузните Baccarat и Initiale Paris до спортските 16 S и Williams, а не го забораваме и неверојатниот Clio V6 со заден средишен мотор. Двапати ја освои престижната титула Европски автомобил на годината (1991 и 2006 година).
Фабрис Камболив, извршен директор на брендот Renault, нагласува: „Clio отсекогаш бил културен маркер, важен дел од идентитетот на Renault. Кога ќе помислите на Clio, помислувате на Renault и обратно!“
Новото Renault Clio ќе биде достапно за нарачка пред крајот на годината. Се надеваме дека сепак ќе има привлечна цена.
