Бебињата и малите деца во автомобилски седишта се особено изложени на ризик, а прекумерната топлина во возилото може да убие куче за само шест минути.
Кога од климатизирана канцеларија или стан ќе излезете надвор, денес може да се чувствувате како да сте влегле во рерна. Температурите надвор се до 40°C, но во автомобилите на сонце се искачуваат над 50°C, а оставањето дете или домашно милениче во возилото може да биде фатално, особено кога климатизацијата е исклучена.
Затоа Ford тестираше колку може да се загрее возилото во споредба со надворешната температура. Не е потребна екстремна топлина за да се претвори внатрешноста на автомобилот во рерна, како што покажуваат снимките од тест-центарот на Ford во Германија.
Ford Focus беше паркиран на сонце, на температура од 35°C, а скулптури од мраз што претставуваат мало дете и куче беа оставени внатре. За помалку од 20 минути, температурата во автомобилот се искачи на 50°C, додека температурата надвор остана иста. Можете да претпоставите што се случи со скулптурите од мраз.
Бебињата и малите деца во автомобилски седишта се особено изложени на ризик, бидејќи можат да се прегреат три до пет пати побрзо од возрасните.
Според Кралското друштво за спречување на суровост кон животните (RSPCA), прекумерната топлина во возилото може да убие куче за само шест минути.
Трагично, само во Соединетите Американски Држави, просечно 39 деца умираат секоја година од тоа што се оставени во жежок автомобил.
