Tesla наводно работи на воведување на Apple CarPlay, откако со години одбиваше да го направи системот достапен за своите клиенти.
Компанијата со години го промовираше својот софтвер, тврдејќи дека нуди подобро искуство, но нов текст на Bloomberg вели дека Tesla започнала со тестирање на опцијата CarPlay и дека можно е наскоро да ја воведе во своите модели.
Очигледно, CarPlay би работел во посебен прозорец во главниот екран, со карактеристичниот пристап на Tesla.
Според моменталните информации, Tesla не го тестира CarPlay Ultra кој ги презема сите екрани во возилото. Досега, тој систем е имплементиран побавно од очекуваното, а некои производители дури и се откажале од него. Aston Martin беше првиот што го инсталираше, додека Tesla се чини дека се стреми кон стандардна верзија.
Ова би бил голем пресврт, бидејќи Tesla со години одбиваше да ги пресликува екраните на телефоните. Сепак, конкуренцијата е посилна од кога било, а клиентите сè уште бараат CarPlay.
Tesla не е едиснтвената што не го нуди - Rivian нема планови да го воведе, а General Motors активно го отстранува CarPlay од своите нови модели. Доколку извештајот се покаже како вистинит и Tesla навистина го воведе CarPlay, тоа би било значително подобрување за клиентите и голем чекор кон поголема слобода на избор. Тоа е функција што многумина ја сметаат за задолжителна, а некои клиенти дури одбиваат да купат модели без неа.
