Пристигнаа нови податоци за продажбата во првиот квартал од оваа година.
Заклучно со последниот ден од март, Volkswagen регистрирал 65.679 електрични автомобили во Европа, што беше доволно за статусот на најпродаван бренд за електрични возила во Европа, пренесува JATO Dynamics. Уште поимпресивен е фактот што Volkswagen забележа пораст од импресивни 157 проценти во однос на истиот период минатата година.
Tesla полека го губи теренот. Негативниот публицитет од сопственикот Илон Маск, недоволно атрактивната гама или некоја друга причина резултираше со годишен пад на продажбата од 38 проценти. Tesla регистрираше 53.237 нови автомобили во Европа во првиот квартал од оваа година. На третото место е BMW со 46.557 продадени примероци.
„Нашите производи добиваат добар одзив и покажуваат дека групацијата Volkswagen е на вистинскиот пат“, рече Марко Шуберт, член на извршниот одбор на VW Group одговорен за продажба.
„Во првиот квартал, ги зголемивме испораките на целосно електрични возила ширум светот за околу 60 проценти. Особено во Европа, можевме значително да ја зајакнеме нашата водечка позиција во овој сегмент со удвојување на испораките.“
Volkswagen вели дека ID.4 и ID.5 се неговите најпродавани електрични модели низ Групацијата, со вкупно 43.700 продадени примероци во првиот квартал. Следи ID.3 со 28.100 продадени возила, а потоа Audi Q4 E-Tron со 22.800 и Škoda Enyaq со 20.200 примероци. Од другите модели на VW, ID.7 продаде 19.100 единици, додека ID.Buzz - исто така достапен како возило за испорака - постигна 12.700 продадени единици.
Во првиот квартал од оваа година, продажбата на нови автомобили остана на ниво од 3,38 милиони возила. Истовремено, продажбата на електрични возила забележа раст од 28 отсто, од 447.278 на 570.943 продадени единици.
Растот на популарноста на кинеските брендови е особено импресивен. Продажбата во првиот квартал скокна за 91 отсто, на 153.646 единици, со најинтензивен раст (+121%) забележан во март.
Ако ги погледнеме концерните, европскиот број 1 е Volkswagen со вкупно 360.070 продадени примероци и раст од 12 проценти. На второ место е Stellantis со 214.836 примероци, а трета е Renault Group со 137.437 продадени примероци.
Најпродаван модел е Peugeot 208, додека претходниот лидер Dacia Sandero падна на второто место. Renault Clio ги заокружува првите 3.
