Баш кога помисливме дека не може да биде полудо, познатиот тјунер успева да надмине сè што е видено досега.
Mansory има навистина посебен уникат во својата понуда. За оние за кои Mercedes AMG G63 не е доволно јасен статусен симбол, неговата златна верзија е исто така на понуда. Лудата креација нема истакната цена, но со оглед на обемот на модификацијата, има многу нули.
Ако успеете за момент да ја игнорирате златната боја, ќе забележите и некои нови детали како што е спротивното висење на задните странични врати. Верзијата Grande Entree се издвојува и поради фактот што меѓуоскиното растојание на овој автомобил е зголемено за 20 см.
Сето ова овозможи да се постигне кралски третман за патниците. Две индивидуални фотелји се поставени на задниот дел, додека сите видливи површини се повторно тапацирани со најфина кожа. Доминираат кафеави и крем тонови, заедно со детали изработени од благородни материјали.
Во духот на претходните модификации, Mansory го допре и погонот. 4.0 V8 битурбо моторот сега произведува значително повеќе, 1100 КС и 1200 Nm, па спринтот до 100 е скратен на 3,5 секунди. Максималната брзина е ограничена на 250 км/час.
Погодивте, возилото моментално е во салон во Дубаи, чекајќи нов сопственик.
